Goa Water Bills: सार्वजनिक बांधकाम खात्याने पाणी बिले न भरलेल्या ग्राहकांसाठी एक रकमी समझोता (वन टाईम सेटलमेंट तथा ओटीएस) सुरू केली आहे. जे ग्राहक 31 जानेवारीपर्यंत या योजनेत सहभागी होणार नाहीत, त्यांची नळ जोडणी 1 फेब्रुवारीपासून तोडली जाईल, असे मंत्री निलेश काब्राल यांनी सांगितले.

साबांखातर्फे 2021मध्ये ओटीएस योजना सुरू झाली तेव्हा 114 कोटींचे पाणी बिल थकीत होते. त्यातील काही बिले भरली गेली. सध्या साबांखाची 92.50 कोटींचे थकीत आहे. थकबाकीदारांची संख्या 44 हजार एवढी आहे.

कोणत्याही स्थितीत ही थकबाकी वसूल करण्याचे आव्हान साबांखापुढे आहे त्यामुळे साबांखा मंत्र्याने थेट नळ जोडणी तोडण्याचेच हत्यार उपसले आहे. थकबाकीदारांना एक महिन्यात ओटीएस योजनेत नाव नोंदविणे आवश्‍यक आहे.