मडगाव: किनारी भागात खासगी टॅक्सी चालकांच्या प्रवेशावर बंदी घालण्यात येणार आहे. वार्का प्रकरणात खऱ्या आरोपीला अटक करा किंवा ज्यांनी तक्रार नोंदवली त्यांची चौकशी करा, तोपर्यंत हा लढा असाच सुरु राहील आणि दरम्यान कायदा सुव्यवस्थेचा प्रश्न निर्माण झाल्यास त्याला राज्य सरकार जबाबदार असेल असा थेट इशारा बाणावलीचे सामाजिक कार्यकर्ते वॉरन आलेमाव यांनी दिलाय.

वार्का येथे एका पर्यटकाला टॅक्सी चालकाने अडवून पैसे घेतल्याचा आरोप केला होता यानंतर कोलवा पोलीस स्थानकात स्थानिक टॅक्सी चालकांच्या विरोधात तक्रार नोंदवण्यात आली. 

मडगावातून येणाऱ्या काही टॅक्सी चालकांकडे वैध व्यापर परवाने नाही. ते कर भरत नाहीत, त्याच्याजवळ कार्यालय नाही, त्यांनी हॉटेल्ससोबत करार केलेला नाही तरीही ते अ‍ॅपबेस टॅक्सी चालक असल्याचं सांगत पर्यटकांना फसवत आहेत.

दुसऱ्या बाजूला स्थानिक टॅक्सी चालकांसाठी टॅक्सी चालवणं हेच त्याच्या उदरनिर्वाहाचा एकमेव साधन आहे. त्यांनी कर्ज काढून या टॅक्सी विकत घेतल्यात आणि अशा लोकांचा व्यवसाय हिसकवून घेण्याचा प्रयत्न केला तर नक्कीच लढा देऊ असं कार्यकर्ते वॉरन आलेमाव म्हणालेत. 

टॅक्सी चालकांच्या बदनामीचा प्रयत्न!!

स्थानिक टॅक्सी चालक हेच नीज गोयेंकर आहेत, त्याच्या कुटुंबीयांचा उदार्निर्वह या व्यवसायावर चालतो. हे टॅक्सी माफिया नाहीत तरीही त्याच्यावर खंडणी मागितल्याचा खोटा आरोप करण्यात आलाय. कोलवा पोलिसांनी हॉटेलमधले सीसीटीव्ही तपासून पहावेत हा केवळ स्थानिक टॅक्सी चालकांना अडकवण्याचा डाव आहे कोणीही असे पैसे घेतलेले नाहीत असं कार्यकर्ते वॉरन आलेमाव यांनी सांगितलं आहे.