Sancoale Goa : सांकवाळ येथील संरक्षित स्थळावर विजयदुर्गा देवीची स्थापना करून धार्मिक तेढ निर्माण केल्याप्रकरणी ज्या आठ व्यक्तिंविरोधात गुन्हा नोंद करण्यात आल्यापासून बेपत्ता असल्याने त्यांच्याविरोधात ‘लुक आऊट’ नोटिस जारी करण्यात आली आहे.

गेल्या सत्तरा-अठरा ऑगस्टला आठ व्यक्तींनी एकत्र येऊन मध्यरात्री विजयदुर्गा देवीची संरक्षित जागेवर स्थापना केली होती. सदर माहिती मिळाल्यावर सांकवाळ परिसरातील एका चर्चचे फादर व काही ख्रिश्चन धर्मीय रात्रीच्या वेळी एकत्र आले होते. त्यामुळे तेथे तणाव निर्माण झाला होता. परंतु पोलिसांनी समजूत काढल्यावर परिस्थिती निवळली होती. त्यानंतर स्थानिक रहिवाशी कालीदास वायंगणकर, करणी सेनेचे संतोषसिंह राजपूत यांच्यासह आठजणांविरोधात गुन्हा नोंद करण्यात आला होता.

वायंगणकर, राजपूत वगळता इतर अज्ञात असल्याने त्यांचा शोध पोलीस घेत होते. परंतु त्यांच्या नावाचा अथवा गावाचा अद्याप पत्ता मिळालेला नाही. तसेच त्यापैकी कोणीही हाती लागले नाही. वायंगणकर, राजपूत यांनी अटकपूर्व जामीनासाठी न्यायालयात धाव घेतली आहे. पोलिसांनी या अर्जाला विरोध केला आहे.