Awareness Week : सासष्टी,गोवाकॅनतर्फे साजरा करण्यात येणाऱ्या दक्षता जागरूकता सप्ताहानिमित्त मडगावात ग्राहक दक्षतेबाबत जागृती मोहीम राबवण्यात आली. यावेळी गोवाकॅनचे निमंत्रक रोलांड मार्टिन्स व इतरांनी मार्गदर्शन केले.

मार्टिन्स यांनी सांगितले की, यंदाच्या या सप्ताहाचा विषय "आय केअर" (मला काळजी) असा आहे. ग्राहकांची लुबाडणूक रोखणे ही अधिकाऱ्यांची जबाबदारी आहे. प्रवासी एजंट, भाड्याने बाईक देणारे यांच्याकडूनही लोकांची फसवणूक होते.

कुठलाही ट्रेडमार्क किंवा कंपनीचे नाव नसलेले आइस्क्रीम विकले जाते, असे ते म्हणाले. केवळ नागरिकांनीच नव्हे तर सरकारनेही यावर दक्ष राहणे आवश्‍यक आहे, असे ते म्हणाले.

तक्रारींसाठी पोस्टकार्डे

गोवाकॅनने पाच हजार मेघदूत पोस्टकार्ड घेतलेली असून ती विद्यार्थी व नागरिकांना वाटण्यात येणार आहेत. त्यावर एक दोन वाक्यात आपली तक्रारी लिहून ते पोस्टकार्ड संबंधित खात्यामध्ये पाठविण्याची व्यवस्था केल्याचे मार्टिन्स यांनी सांगितले.