वेर्णा औद्योगिक वसाहतीत अत्याधुनिक अशा राज्यातील पहिल्‍या पोलिस नियंत्रण केबिनचे उद्‌घाटन शुक्रवारी करण्यात आले. हे केबिन बिर्ला क्रॉस सिग्नल जंक्शनच्या बाजूला स्थित करण्यात आले आहे.

उद्‌घाटन सोहळ्‍याला वाहतूक पोलिस प्रमुख बॉस्युत दा सिल्वा व वेर्णा औद्योगिक संघटनेचे संस्थापक नितीन कुंकळयेकर यांची उपस्थिती होती. हे केबिन सौरऊर्जायुक्त असून त्यात लहान कचेरी, दोन बंकर बेड्स व बायोडायजेस्टर शौचालयाची व्यवस्था आहे.

वेर्णा औद्योगिक असोसिएशनने हे केबिन सीएसआर योजनेअंतर्गत तयार केले आहे. त्‍यासाठी मेसर्स राजेश रोडलाईन्सचे सहकार्य लाभले आहे.

‘वेर्णा’ प्रवेशद्वाराला मिळणार गतवैभव

या केबिनमुळे वेर्णा औद्योगिक वसाहतीच्या प्रवेशद्वाराला जुने वैभव प्राप्त होणार आहे. उद्‌घाटन कार्यक्रमाला जीआयडीसीचे अधिकारी, पोलिस अधिकारी व कर्मचारी, औद्योगिक वसाहतीतील विविध कंपन्यांचे अधिकारी व कर्मचारीही उपस्थित होते. त्‍यांनाही फायदा होणार आहे.