Vasco Illegal Construction: जलस्त्रोत खाते तसेच ‘जीसीझेडएमए’ ने वेळसाव, पाले आणि इसॉर्सिमधील पाले गावात रेल विकास निगम लिमिटेडने केलेल्या अवैध बांधकामाची पाहणी केली.

या दोन्ही शासकीय विभागांनी मार्च महिन्यात गोंयचो एकवोट आणि ‘गोंयचे रापोंणकरांचो एकवोट’ यांच्या तक्रारीच्या आधारे जागेची पाहणी केली.

लवकरच अहवाल सादर करणार. यापूर्वी जलस्त्रोत खात्याने वेळसावच्या पर्यावरणीय संवेदनशील भागात दुहेरी ट्रॅकिंगसाठी केलेल्या बेकायदेशीर कामांवर टीका करणारा अहवाल सादर केला होता.

जीसीझेडएमए’ने आज अतिशय तपशीलवार स्थळ तपासणी केली, यावेळी रेल्वे विकास निगम लिमिटेडने वैधानिक संस्थांकडून परवानगी घेतली आहे का, असा प्रश्न विचारला गेला.

माजी पर्यावरण मंत्री श्रीमती एलिना साल्ढाना आणि स्थानिक काँग्रेस नेते ओलेन्सियो सिमोईस यांनी यावर तीव्र आक्षेप घेतला.

कारण चांदोर,गिरडोलीमधील स्थिती वेळसाव आणि कासावली सारखी नव्हती. त्यांनी रेल्वे विकास निगम लिमिटेड ला उच्च न्यायालयाच्या निकालाचा गैरवापर करू नये, असा इशारा दिला.

गोंयचो एकवोटचे सदस्य ऑर्विल दौराडो रॉड्रिग्स यांनी रेल्वे विकास निगमने केलेल्या उल्लंघनाकडे लक्ष वेधले.