Daji Salkar on Traffic: मांगोरहील - वरुणापुरी राष्ट्रीय महामार्गावर रविवारी झालेल्या अपघातात एका ३० वर्षीय युवकाला आपले प्राण गमवावे लागले.

या मार्गाची अधिकाऱ्यांतर्फे पाहणी केल्यानंतर आमदार साळकर म्हणाले, मुरगाव बंदर सडामार्गे येणाऱ्या अवजड वाहनांवर नियंत्रण ठेवण्यासाठी वरुणापुरी- वास्को रस्त्यावर गतिरोधक उभारावे. तसेच महामार्गाच्या बाजूला पार्क करून ठेवलेल्या बेकायदेशीर वाहनांवर दंडात्मक कारवाई करावी.

आमदार साळकर पुढे म्हणाले, मुरगाव बंदरातून होणाऱ्या अवजड वाहनांच्या वेग मर्यादेत नियंत्रण आणणे गरजेचे आहे. त्यासंदर्भात संबंधितांनी सूचना देऊनही कार्यवाही होत नाही, हा प्रकार चुकीचा आहे.

बेकायदा सुशोभिकरण !

नौदलाच्या सेलर रेसिडेन्सीच्या मुख्य प्रवेशव्दारा जवळ बेकायदा सुशोभिकरण करून महामार्गाच्या नियमांचे उल्लंघन केले आहे.

राष्ट्रीय महामार्ग प्राधिकरणाला नौदलाच्या सुशोभीकरणावर कारवाई करण्याचे आदेश दिले होते. परंतु प्राधिकरणाने हे प्रकरण गंभीरतेने घेतले नाही, असेही ते म्हणाले.