वास्को: वरुणपुरी-मांगोरहिल येथील धार्मिक स्थळांकडे वाहने नेण्यासंबंधी भाविक व नौदल यांच्यामध्ये सुवर्णमध्य साधणारा तोडगा आमदार कृष्णा साळकर यांनी काढल्याने समाधान व्यक्त होत आहे.

मुख्यमंत्र्यांसोबत झालेल्या संयुक्त बैठकीत या विषयावर चर्चा करण्यात आल्यावर तेथील ‘परिस्थिती जैसे थे’ ठेवण्याचा निर्णय घेतला आहे. नौदलाकडे असलेल्या तेथील जागेएवढीच दुसरी पर्यायी जागा नौदलाला दुसरीकडे देण्यात येणार आहे, असं साळकर यांनी सांगितले.

वरुणपुरी-मांगोरहिल येथे राम मंदिर, काली मंदिर, सेंट मेरीज ऑर्थोडॉक्स चर्च ही धार्मिक स्थळे गेल्या ५०- ६० वर्षापासून तेथे आहेत.

नौदलाला पर्यायी जागा

सुरक्षा कारणास्तव हा निर्णय घेण्यात भाग पडल्याचे नौदलाने यावेळी स्पष्ट केले. मात्र नौदल व स्थानिकांमध्ये समन्वयक राहण्यासाठी सर्वमान्य तोडगा काढण्याचा निर्णय घेण्यात आला. नौदलाला त्या जागेच्या बदल्यात जवळपास दुसरी पर्यायी जागा देण्याचा निर्णय घेतला. त्यामुळे तेथील स्थिती जैसे थे राहणार आहे. मात्र भाविकांनीही तेथे अधिक दक्षता बाळगण्याची गरज आहे, असे साळकर यांनी सांगितले.