Valpoi Police : गोव्यात पोलीस लोकांच्या सेवेसाठी सदैव तत्पर असतात. सध्या राज्यभरात शिगमोत्सवाचे वातावरण सुरू आहे. यादरम्यान वाळपईत 4 वर्षाचा मुलगा बेपत्ता झाल्याची घटना घडली. यावेळी मुलाचा शोध घेण्यास सुरुवात झाली.

वाळपई पोलीस स्टेशनचे हरुण शेख यांनी त्या हरवलेल्या मुलाला सुखरूप त्याच्या घरी सोडले. यामुळे त्या मुलाच्या घरच्यांचा जीव भांड्यात पडला.

दरम्यान, काही दिवसांपूर्वी अशीच घटना घडली होती. जुने गोवा पोलिसांनी तीन वर्षांच्या हरवलेल्या अल्पवयीन मुलाचा शोध लावला. सकाळपासून तो बेपत्ता असून कुटुंबीयांचा शोध सुरू होता. जुने गोवा पोलिसांनी दुपारपर्यंत त्याचा शोध घेतला आणि त्याला सुरक्षितपणे त्याच्या काकांच्या ताब्यात दिले होते.