काणकोण: काणकोणात 12 ते 14 वयोगटाच्या मुलांना कोविड लसीकरणाची मोहीम आजपासून सुरू करण्यात आली आहे.कोरबेवॅक्स ही लस या वयोगटातील मुलांना देण्यात येते.काणकोणातील सर्व शाळात ही लसीकरण मोहीम राबविण्यात येणार आहे.या वयोगटात तालुक्यातील 2200 मुलांना ही लस देण्यात येणार आहे.

आज सुरू झालेली ही मोहीम 12 एप्रिल पर्यत चालणार.या मोहीमेअंतर्गत ज्या मुलांना ही लस घेणे शक्य झाले नाही त्यांना काणकोण सामाजिक आरोग्य केंद्रात किंवा मडगांव येथील हॉस्पिसियु इस्पितळात ही लस घेता येणार असल्याचे काणकोण सामाजिक आरोग्य केंद्राच्या डॉक्टर शीतल देसाई यांनी सांगितले.