राज्यात 100 टक्के लसीकरण झाल्याचा प्रशासनाने (Administration) दावा ठोकला असला तरी आज 197 लोकांनी लसीकरणाचा पहिला डोस घेतला. त्यामुळे आत्तापर्यंत 13 लाख 3 हजार 116 नागरिकांनी लसीकरणाचा (Vaccination) पहिला डोस घेतला असून ते प्रमाण 111.78 टक्के झाला आहे तर लसीकरणाचे दोन्ही घेतलेल्यांची संख्या 11 लाख 76 हजार 307 झाली असून हे प्रमाण 100.11 टक्के झाले आहे.

11 लाख 66 हजार नागरिकांचे लसीकरणाचे लक्ष्य ठेवले होते. तर राज्यात बूस्टर डोस घेणार्‍यांची संख्या 34 हजार 165 इतकी असून हे प्रमाण 27.47 टक्के इतके आहे. राज्यात बूस्टर डोस घेण्यासाठी पात्र असणाऱ्यांची संख्या 1 लाख 24 हजार 362 आहे. 15 ते 18 वयोगटातील पात्र मुलांची संख्या 74 हजार असून यापैकी 64 हजार 869 मुलांनी लसीकरणाचा पहिला डोस घेतला असून हे प्रमाण 87.66 टक्के आहे.