Goa Forest Officer Missing: उसगाव रेंज फॉरेस्ट अधिकारी धरजीत अनंत नाईक हे 11 जुलैपासून बेपत्ता असल्याची माहिती आहे. त्यांची कार मिरामार येथे आढळली आहे. त्यांचे अपहरण झाल्याचा संशय कुटूंबियांनी व्यक्त केला आहे.

ज्या दिवशीपासून नाईक बेपत्ता झाले होते त्या रात्री त्यांनी अखेरचा फोन कॉल पत्नीला केला होता. तेव्हापासून ते गायब आहे. फोंडा पोलिस सध्या या प्रकरणी तपास करत आहेत.

नाईक हे नागेशी फोंडा येथे राहतात. ज्या रात्री ते बेपत्ता झाले त्याच मध्यरात्री 12 वाजून 20 मिनिटांनी ते या मिरामार भागातील सीसीटीव्ही फुटेजमध्ये दिसून येतात. त्यांनी फोनवरून पत्नीला दोन दिवस विश्रांतीसाठी कॉटेजवर राहणार असल्याचे सांगितले होते. पण दोन दिवस उलटूनही ते न परतल्याने कुटूंबियांनी पोलिसात तक्रार दिली होती.