Mining in Goa: राज्यातील खाणींवर राज्य सरकारची मालकी आहे. त्यामुळे सरकारने त्यांचे लिलाव करावेत, अशी मागणी लावून धरणारे आणि प्रसंगी न्यायालयीन लढा देणारे सामाजिक कार्यकर्ते क्लॉड अल्वारिस आणि गोवा फाऊंडेशनमुळेच राज्य सरकारला खाणींमधून हजारो कोटींचा महसूल मिळाला आहे.

त्याबद्दल विरोधी पक्षनेते युरी आलेमाव यांनी त्यांचे विधानसभेत आभार मानले. राज्यपालांच्या आभार प्रस्तावावरील भाषणादरम्यान आलेमाव यांनी खाणींविषयी मत मांडले.

राज्यातील खाणींचे लिलाव होत आहेत. त्यातून राज्य सरकारच्या तिजोरीत आता कोट्यवधींचा महसूल येणार आहे. खाण व्यवसाय पुन्हा सुरू व्हावा; पण तो कायदेशीर असावा. त्यातून सरकारला चांगला महसूल मिळावा, यासाठी क्लॉड लढा देत राहिले, असे ते म्हणाले.