Gujrat Tourist Death in Goa: गोव्यात देशी-विदेशी पर्यटक फिरण्यासाठी दाखल होत असतात. अनेकदा त्यांच्याबाबतीतले गैरप्रकार समोर येत असतात. गुजरातमधील एका पर्यटकाचा आकस्मिक मृत्यू झाल्याचा धक्कादायक प्रकार समोर आला आहे.

उपलब्ध माहितीनुसार, कोलवा पोलीस ठाण्याच्या हद्दीत एका अनैसर्गिक मृत्यूची नोंद झाली आहे. तिथल्या एका हॉटेलमध्ये राहत असलेल्या मूळ गुजरात येथील एकाचा मृत्यू झाल्याचे समोर आले आहे.

राठोड मलकेश कुमार (32) असे मृतकाचे नाव आहे. हॉटेलमधील एक खोलीत झोपेतून जागा झाल्यानंतर अचानक त्याने मदतीसाठी मोठ्या आवाजात हाक दिली. त्यानंतर तो तिथेच कोसळला.

दरम्यान, त्याला त्वरित दक्षिण गोवा जिल्हा रुग्णालयात दाखल करण्यात आले. मात्र त्याचा मृत्यू झाल्याचे डॉक्टरांनी सांगितले. पोलीस सदर घटनेचा पुढील तपास करत आहेत.