वास्को: सार्वजनिक बांधकाम पाणी पुरवठा विभागाचे नवेवाडे भागातील अंदाजे पाच घरातील पाण्याचे मिटर अज्ञात चोरट्यांनी लंपास केले. यामुळे पुन्हा एकदा वास्को - नवेवाडेत चोरांनी धुमाकूळ माजविला आहे. सदर पाण्याचे मिटर 40 ते 45 वर्षापुर्वीचे असल्याची माहिती नवेवाडे परिसरातील घरमालकांनी दिली आहे. पाण्याचे मिटर चोरी प्रकरणी पोलिस अधिक तपास करीत आहे.

(water meter in Vasco)

वास्को नवेवाडे मुरगाव नगरपालिका क्षेत्रातील प्रभाग २२ मधील पाच घरातील पितळेचे धातूचे पाच पाण्याचे मिटर अज्ञात चोरट्यांनी चोरी केले. चोरी प्रकरणी घरमालकांनी सर्व प्रथम वास्को पोलिसात तक्रार दाखल केली आहे. तसेच वास्को बायणा येथील सार्वजनिक बांधकाम पाणी पुरवठा विभाग मध्ये पाण्याचे मीटर चोरीला गेले असल्याची तक्रार दाखल केली आहे.

सदर नवीन पाण्याचे मिटर पुढील आठवड्यात चोरीला गेलेल्या घरमालकांच्या नळाला जोडून देणार अशी माहीती विभागा मार्फत देण्यात आली आहे. वास्को पोलिसांनी पाण्याचे मिटर चोरी प्रकरणी लवकर छडा लावावा अशी मागणी नवेवाडेतील नागरीकानी केली आहे. वास्को पोलिस पितळेचे पाण्याच्या मीटर चोरी प्रकरणी अधिक तपास करीत आहे.