Male Dead Body Found on Baina Beach

बायणा समुद्रकिनाऱ्यावर काल (सोमवार) अज्ञात व्यक्तीचा मृतदेह आढळून आला आहे. हा मृतदेह शव विच्छेदनासाठी मडगाव हॉस्पिटलमध्ये पाठवण्यात आला आहे. मडगाव पोलीस स्थानकाचे उपनिरीक्षक स्टेनली गोम्स या घटनेचा पुढील तपास करत आहेत.

उपलब्ध माहितीनुसार, सोमवारी संध्याकाळी बायणा समुद्रकिनाऱ्यावर एका पुरुषाचा मृतदेह आढळून आला. सदर व्यक्तीने समुद्रात उडी घेत आपले जीवन संपवले, असा संशय स्थानिकांंनी व्यक्त केला आहे.

मृतदेह सापडलेल्या ठिकाणापासून काही मीटर अंतरावर समुद्रकिनारी उभ्या असलेल्या नाल्याजवळ कपडे आणि इतर वस्तू दिसल्या असून त्या मृत व्यक्तीच्या असल्याचा दावा स्थानिकांनी केला.

समुद्रकिनाऱ्यावर चालत असताना एका व्यक्तीने पाण्यात तरंगत असलेला मृतदेह पाहिला होता. त्याने परिसरातील लोकांना याची माहिती दिली आणि त्वरित पोलिसांना कळवले. पोलीस याबाबत अधिक तपास करत आहेत.