Rajeev Chandrasekhar Goa Visit Dainik Gomantak
गोवा

Rajeev Chandrasekhar Goa Visit: केंद्रीय आयटी राज्यमंत्री राजीव चंद्रशेखर गोव्यात दाखल; 3 दिवसांचा दौरा

गोवा क्रांती दिनानिमित्त संबोधित करणार

गोमंतक ऑनलाईन टीम

Rajeev Chandrasekhar Goa Visit: केंद्रीय इलेक्ट्रॉनिक्स, माहिती तंत्रज्ञान, कौशल्य विकास आणि उद्योजकता राज्यमंत्री (MoS) राजीव चंद्रशेखर शुक्रवारपासून तीन दिवसांच्या गोव्याच्या दौऱ्यावर आले आहेत. विमानतळावर अधिकाऱ्यांनी त्यांचे स्वागत केले.

या दौऱ्यात ते मडगाव, नावेली आणि फातोर्डा या मतदारसंघांना भेट देणार आहेत. या दौऱ्यावेळी ते भाजपचे नेते, आमदार, कार्यकर्ते, प्रभावशाली लोक, नागरिकांशी संवाद साधतील.

मंत्र्यांचा दौरा पंतप्रधान नरेंद्र मोदी सरकारच्या 9 वर्षांच्या कामगिरीवर केंद्रित असेल. या तीन दिवसीय दौऱ्यात संपर्क से समर्थन, व्यापारी परिषद आणि युनायटेड फ्रंट कॉन्फरन्स या कार्यक्रमांतून विविध समुदाय आणि गटांसोबत, उद्योजक आणि प्रख्यात बुद्धिजीवी यांच्याशी मंत्र्यांची चर्चा होणार आहे. प्रामुख्याने सेवा, सुशासन आणि गरीब कल्याण यावर चर्चा होईल.

याशिवाय पोर्तुगीज राजवटीपासून स्वातंत्र्यासाठी गोव्यातील जनतेने केलेल्या चळवळीचे स्मरण म्हणून ते गोवा क्रांती दिन सोहळ्याला संबोधित करतील. डिजिटल सहभाग, आर्थिक सहभाग याबाबत ते मोदी सरकारच्या कामगिरीवर चर्चा करतील.

व्यापारी परिषदेत सुप्रसिद्ध उद्योजक, स्टार्टअप क्लस्टर्स, एमएसएमई उद्योजक आणि पंतप्रधान नरेंद्र मोदींनी निश्चित केलेल्या उद्दिष्टांच्या पूर्ततेसाठी योगदान देणाऱ्या व्यक्ती उपस्थित राहतील. या वैचारिक देवाणघेवाणीचा उद्देश आर्थिक वाढ आणि वैविध्याला चालना देणे असा आहे.

त्यातून गोव्यात एक गतिमान उद्यम परिसंस्था निर्माण होईल, अशी अपेक्षा आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Kabul Bus Accident: काबूलमध्ये भीषण अपघात, प्रवासी बस उलटून 25 जणांचा मृत्यू; 27 जखमी

Love Horoscope: जोडीदाराला थोडा वेळ द्या! अनुभवा 'मोठे' बदल; वाचा प्रेम राशीफळ

Michael Clarke Cancer: विश्वचषक जिंकवून देणाऱ्या स्टार क्रिकेटपटूला कर्करोग, पोस्ट करत दिली माहिती

तवडकरांना मिळाली गावडेंकडे असलेली सर्व खाती, 'आदिवासी कल्याण'ही पाहणार; कामतांकडे PWD, आणखी 2 मंत्र्यांना मिळाली 2 खाती

Bicholim: डिचोलीत झाली 4 टन फुलांची विक्री, भाव वाढल्याने विक्रेते आनंदी; चतुर्थीच्या पूर्वदिनी 'अच्छे दिन'

SCROLL FOR NEXT