Dhargal-Mopa Road Accident: रस्ते बांधकामासाठीच्या कामात वापरल्या जाणाऱ्या ट्रकने दुचाकीला दिलेल्या धडकेत एकाचा मृत्यू झाला आहे. तर दुचाकीच्या मागे बसलेला आणखी एक जण जखमी झाला आहे. धारगळ-मोपा मार्गावर सुके कुळण येथे हा अपघात झाला.
नामदेव नारायण कांबळी (63 वर्षे) असे मृताचे नाव आहे. तर काशिनाथ तुकाराम शेट्ये (64 वर्षे) हे जखमी झाले आहेत. हे दोघेही मूळचे म्हापसा येथील आहेत.
सध्या या ठिकाणी फ्लायओव्हर (उड्डाणपुल) चे बांधकाम सुरू आहे. त्या कामात या ट्रकचा वापर केला जात होता. दरम्यान, या अपघातानंतर संतप्त झालेल्या जमावाने येथे फ्लायओव्हरच्या बांधकामात वापरली जात असलेल्या दोन क्रेन पेटवून दिल्या आहेत.
दरम्यान, या अपघाताची माहिती मिळताच स्थानिक आमदार प्रवीण आर्लेकर यांनी घटनास्थळी धाव घेतली. त्यांनी जमावाची समजूत काढण्याचा प्रयत्न केला, तथापि, जमाव ऐकण्याच्या मनस्थितीत नाही.
अद्यापही ट्रक आणि ट्रकच्या खाली आलेला मृतदेह तसाच असल्याचे सांगण्यात येत आहे. जमाव आक्रमक होत असल्याचे पाहून घटनास्थळी मोठ्या प्रमाणात बंदोबस्त ठेवण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.