Goa Fatal Accident

मडगाव: पॉवर हाऊस जवळील रिंग रोड येथे मंगळवारी (१५ जानेवारी) रात्री येथील दोन दुचाकीमध्ये अपघात होऊन त्यात एकाचा मृत्यू झाला. भीषम गिनानी (६१) असे मृताचे नाव असून, आके येथे दावत रेस्टॉरंटचे ते मालक होते.

या अपघातात त्यांचे भाऊ संजय गिनानी (५९) व अन्य एक दुचाकीचालक शमशदु शेख (१७) हाही जखमी झाला आहे. या दोघांना उपचारासाठी येथील अपोलो इस्पितळात दाखल करण्यात आले असल्याची माहिती मडगावचे पोलिस निरीक्षक तुळशीदास नाईक यांनी दिली.

गिनानी भाऊ ज्युपिटर दुचाकीवरून जात होते. तर शमशुद हा ओला दुचाकीवरून जात होता. तो दिकरपाली-दवर्ली येथील आहे. भरधाव वेगाने तो जात असताना त्याने त्या दुचाकीला धडक दिली. रात्री दहाच्या सुमारास हा अपघात घडला. पुढील पोलिस तपास सुरू आहे.