फातोर्डा : मागील दोन दिवसापूर्वी मालभाट येथील जामिया मस्जिद येथे झालेल्या कथित हल्ला प्रकरणी आणखी सात जणांवर मडगाव (Margao) पोलिसांनी गुन्हा नोंद करून अटक केली आहे. नंतर त्यांना जामीनावर मुक्त केले.

या प्रकरणी सलीम शेख यांनी पोलीस स्थानकात सात जणांविरुद्ध तक्रार दाखल केली आहे. यात अस्लम शेख, कादर शहा, महंमद अली, मैनुद्दीन शेख, हुसेन, जावेद, अतिक बंदूकडा यांचा समावेश आहे

तक्रारीत असे नमूद करण्यात आले आहे की वरील सर्वांनी इतरांच्या सहाय्याने दुसऱ्या गटावर बेकायदेशीर जमाव करून शिवीगाळ, मारहाण आणि हत्यारांनी हल्ला केला होता. हे प्रकरण एक एप्रिल रोजी घडले होते. यावेळी पहिल्यांदा दोन गटात मस्जिदीच्या आवारात बाचाबाची झाली होती त्यानंतर अस्लम शेख आणि मैनु शेख यांच्यावर मस्जिदीबाहेर हल्ला चढवण्यात आला होता. या प्रकरणात इतर काहीजणांचा समावेश असल्याचे ही नमूद करण्यात आले आहे. त्या विषयी पोलिसांकडून (police) तपास सुरु आहे.