Accident At Dona Paula: दोनापावला मणिपाल रुग्णालयाच्या समोरील मार्गावर दोन कारमध्ये अपघात झाला आहे. हा अपघात शनिवारी 11 वाजण्याच्या सुमारास घडला. या अपघातातील किरकोळ जखमी महिलेला मणिपाल रुग्णालयात उपचारासाठी दाखल करण्यात आले.

गुरुवारी सकाळी मणिपाल रुग्णालयासमोरील जंक्शनवर दोन कारमध्ये अपघात झाला. बलेनो कार जंक्शनवरुन वळण घेताना समोरून येणाऱ्या स्विफ्ट कारने जोरदार धडक दिली. ही धडक इतकी भीषण होती की दोन्ही कारचे नुकसान झाले.

अपघातात एक महिला किरकोळ जखमी झाली. महिलेवर मणिपाल रुग्णालयात उपचार करण्यात आले. या मार्गावर वाहने भरधाव जात असतात. त्यामुळे या जंक्शनवर अपघात होतात असे प्रत्यक्षदर्शींनी सांगितले.

राज्यात अपघाताच्या घटना सुरुच आहेत. शुक्रवारी म्हापसा पणजी महामार्गावर पर्वरी येथे खाजगी बस आणि इनोव्हा कार यांच्यात अपघात झाला. यात इनोव्हा कारचे नुकसान झाले. यात पाचजण किरकोळ जखमी झाले तर बसचालकावर बेदरकारपणे गाडी चालवल्याप्रकरणी संशयिताविरुध्द गुन्हा दाखल करण्यात आला.