Poinguinim Tragic Death News: एकाच दिवशी एकाच घरात दोन सख्या भावांचा हृदयविकाराच्या झटक्याने मृत्यू होण्याची दुर्दैवी घटना सोमवारी सकाळी अर्धफोंड- पैगीण येथे घडली. शशिकांत जना नाईक व लक्ष्मीकांत जना नाईक अशी या सख्या भावांची नावे आहेत.

शशीकांत नाईक (वय 46 ) उठला नसल्याने त्याचा भाऊ लक्ष्मीकांत त्याला उठविण्यास गेला असतो, तो काहीच हालचाल करीत नसल्याने लक्ष्मीकांत घाबरला व अनपेक्षित धक्का बसला.

त्यावेळी त्याच्याही छातीत कळ येऊन तो खाली कोसळला आणि मृत झाला. शशीकांत हा काही वर्षांपूर्वी प्रदेशात नोकरी करत होता. लक्ष्मीकांत लाकूड ठेकेदारी करत होता.

आई - वडील यांचे यापूर्वीच स्वर्गवासी झाले आहेत. त्यामुळे घरची जबाबदारी त्यांची बहीण शैला सांभाळून सरकारी नोकरी करीत आहे. त्याशिवाय त्यांचा एक छोटा भाऊ आहे. दोघा सख्या भावांचा पार्थिवावर आज एकाच वेळी अंत्यसंस्कार करण्यात आले. 

दरम्यान, दोघांचा वाढदिवस 1 जुलै या एकाच दिवशी दरवर्षी साजरा केला जायचा. दोघांचा मृत्युही हृदयविकाराच्या झटक्याने एकाच दिवशी झाल्याने परिसरात हळहळ व्यक्त करण्यात येत आहे.