Jumping Chicken: पहिल्या पावसात प्रजोत्पादनसाठी शेताच्या काठी येणाऱ्या बेडकांची गोव्यात मोठ्या प्रमाणावर शिकार होत असून किटल केपे येथील आळारे तळप येथे बेडकांच्या शिकारीला गेलेल्या दोघांना वन खात्याच्या गस्ती पथकाने रंगे हाथ पकडले.

अटक केलेल्यांची नावे उल्डेरीक फर्नांडीस आणिजेम्स परेरा अशी असून ते दोघेही वेळ्ळी येथील रहिवासी असल्याची माहिती आहे. त्यांच्याकडे दोन बेडके सापडली. ही बेडके पकडण्यासाठी त्यांनी बरोबर घेतलेले टॉर्च वन खात्याच्या कर्मचाऱ्यांनी जप्त केले.

पिसोर्णे वन विभागाच्या अधिकाऱ्यांनी ही कारवाई केली. केपे येथे अन्य एक ठिकाणीं असाच आणखी एक प्रकार आढळून आला. मात्र वन विभागाच्या कर्मचाऱ्यांची सुलुस लागल्याने शिकारी पळून गेले.

दरम्यान, बेडकांची गणती संरक्षित प्रजातीत होत असून त्यांची शिकार करण्यास कायद्याने बंदी आहे. त्यामूळे अशी शिकार करणारे सापडल्यास त्यांच्यावर कडक करवाई कऱण्यात येणार असल्याचा इशारा दक्षिण गोव्याचे उप वनपाल आनंद जाधव यांनी दिली.