Goa Crime News : दोन अल्पवयीन मुलींवर गोव्यातील हॉटेलमध्‍ये लैंगिक अत्याचार, एकाला अटक

Goa Crime News: एका १५ वर्षीय मुलीशी एका १७ वर्षीय मुलाने मैत्री करून तिला फूस लावून एका हॉटेलवर नेले आणि लैंगिक अत्याचार केला.
 Crime News
Crime NewsDainik Gomantak

Crime News :

उत्तर गोव्याच्या किनारी भागातील हॉटेलमध्ये दोन अल्पवयीन मुलींवर बलात्कार झाल्‍याची धक्कादायक बाब समोर आली आहे.

ही दोन्‍ही वेगवेगळी प्रकरणे आहेत. पोलिसांनी या प्रकरणी मोहम्मद नाझीम (२४) याला गजाआड केले असून दुसऱ्या १७ वर्षीय अल्‍पवयीन संशयिताची रवानगी बालसुधारगृहात केली आहे. अत्‍याचाराला बळी पडलेली एक मुलगी १३ वर्षांची तर दुसरी १५ वर्षांची आहे.

पोलिससूत्रांकडून मिळालेल्या माहितीनुसार, एका १५ वर्षीय मुलीशी एका १७ वर्षीय मुलाने मैत्री करून तिला फूस लावून उत्तर गोव्याच्‍या किनारी भागातील एका हॉटेलवर नेले आणि तेथे तिच्‍यावर लैंगिक अत्याचार केला.

 Crime News
Goa News: राज्यातील अनेक भागांमध्‍ये बत्तीगुल, उकाड्यामुळे लोक हैराण; पर्वरी, केपे, पणजीत खेळखंडोबा

याबाबत त्या मुलीच्या कुटुंबीयांनी १७ मे रोजी पोलिसांत तक्रार दाखल केली होती.

अशीच आणखी एक घटना २१ मे रोजी घडली. २४ वर्षीय मोहम्मद नाझीम या मूळ उत्तर प्रदेश येथील युवकाने एका १३ वर्षीय मुलीशी मैत्री केली व नंतर एक हॉटेलमध्ये नेऊन तिच्‍यावर लैंगिक अत्याचार केला. 

मुलगी बेपत्ता झाल्याची तक्रार पीडितेच्या वडिलांनी पोलिसांत दिली. त्यानुसार पोलिसांनी तपास करताना संशयिताला अटक करून पीडित मुलीची त्याच्या तावडीतून सुटका केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com