Porvorim News: दिव्यांग 25 व्यक्तींना लवकरच अत्याधुनिक (prosthetic hands) प्रोस्थेटिक हात मोफत दिले जाणार आहेत. मायोलेक्ट्रिक असलेले हे हात मेंदूद्वारे नियंत्रित केले जातील असे राज्याच्या दिव्यांग विभागाचे आयुक्त गुरुप्रसाद पावसकर यांनी सांगितले. (Prosthetic fitting and assistance camp for differently-abled persons was organized at Porvorim)

दिव्यांगांना स्वतंत्रपणे जगता यावे यासाठी राज्य आयुक्त कार्यालयातर्फे संजय स्कूल, पर्वरी येथे दिव्यांग व्यक्तींसाठी आयोजित दोन दिवसीय कृत्रिम अवयव बसवणे आणि सहाय्यता शिबिरात ही घोषणा करण्यात आली.

शिबिरादरम्यान वैद्यकीय सहायक्कांमार्फत प्राथमिक तपासणी करण्यात आली. प्रत्येक कृत्रिम हाताची किंमत अंदाजे 1.5 लाख रुपये आहे. येत्या काही दिवसांत ते कृत्रिम हात बसवले जातील.

"ज्यांना हात नाहीत, अपघातात हात गमावले आहेत किंवा काम करताना ते गमावले आहेत त्यांना नवीन मेंदू-नियंत्रित मायोइलेक्ट्रिक हाताचा खूप फायदा होईल. या कृत्रिम हातांमुळे दिव्यांग व्यक्तिंना यापुढे दैनंदिन कामांसाठी इतरांवर अवलंबून राहावे लागणार नाही" असे पावसकर म्हणाले.