डिचोली: डिचोली तालुक्यातील कृषीप्रधान (Agricultural) 'धुमासे' गावातील शेतकऱ्यांनी (Farmer) सामूहिकरित्या केलेला हळद (Turmeric Plantation ) लागवडीचा प्रयोग यशस्वी ठरत असून, शेतकऱ्यांच्या प्रयत्नांना फळ येण्याची (Success) आशा निर्माण झाली आहे. यंदा प्रथमच लागवडीखाली आणलेला जवळपास अडीच 2.5 एकर क्षेत्राफळ (Area) असलेला शेतमळा 'हळदी'च्या रोपांनी पूर्णपणे बहरला आहे.

मळा बहरला

कृषीप्रधान 'धुमासे' या छोट्याशा गावातील शेतकरी यंदा प्रथमच हळद लागवडीकडे वळले आहेत. माजी आमदार नरेश सावळ यांच्या पुढाकारातून आणि कृषी खात्याच्या सहकार्याने धुमासेतील पाच (5) कुटुंबातील शेतकऱ्यांनी मिळून दहा हजार (10,000) चौरस मीटर क्षेत्रफळ असलेल्या शेतजमिनीत (अडीज एकर) 2.5 हळद लागवड केली आहे. आमठाणे धरणापासून जवळच असलेल्या भरड शेतजमिनीत ही हळद लागवड करण्यात आली आहे.

भिसो नाईक, न्हानू नाईक, नारायण नाईक, आनंद नाईक, रवींद्र नाईक, उमानाथ नाईक, उदय नाईक, अर्जुन नाईक आदी पाच कुटुंबातील शेतकऱ्यांनी सामूहीकरित्या हळद लागवडीचा प्रयोग केला आहे.

औषधी गुणधर्म असलेल्या आणि दैनंदिन आहारातील एक मुख्य घटक असलेल्या हळदीला आर्थिक, धार्मिक, औषधी आणि सामाजिक क्षेत्रात महत्वाचे स्थान आहे. आयुर्वेदात महत्वाचे स्थान असलेल्या हळदीला बाजारपेठेत प्रचंड मागणी आहे. हळद एक नगदी पिक म्हणून पाहिले जात आहे. त्यामुळेच धुमासेतील शेतकऱ्यांनी हळद लागवड करण्यासाठी पुढाकार घेतला आहे.

कमी मेहनत

गावातील शेतकऱ्यांनी एकत्रित येवून पडीक शेतजमीन हळद लागवडीखाली आणली आहे. हळद पिक घेण्यासाठी मोठी मेहनत घ्यावी लागत नाही. आणि रानटी जनावरांपासूनही या पिकाला उपद्रव होण्याचा धोका नसतो. हळद हे नगदी पिक आहे. यंदा चांगले पिक आल्यास भविष्यात लागवडीचे प्रमाण वाढण्याची शक्यता आहे.

भिसो नाईक, शेतकरी.