Anmod Ghat Traffic Jam Due To Truck Accident

रामनगर: अनमोड आरटीओ चेकपोस्ट पासून दोन किमी. अंतरावर असणाऱ्या अनमोड घाटात रामनगर येथून गोव्याच्या दिशेने जाणाऱ्या बारा चाकी ट्रकचा पाटा तुटल्याने येथील वळणावर असणाऱ्या संरक्षक कठड्याला धडकून ट्रक वळणावरच अडकून पडला. परिणामी वाहतूक ठप्प झाली.

वाहतूक सायंकाळी ५.३० वाजल्यापासून पूर्णतः कोलमडली. त्यामुळे दोन्ही बाजूला लांबच लांब रांगा लागून राहिल्या असून रात्री दहा नंतर हळूवार चार चाकी वाहनांना सोडण्यात आले, तर रात्री उशिरापर्यंत सदर ट्रक शेजारी हटवण्यासाठी क्रेन न आल्याने मोठी वाहणे मात्र अडकून पडली होती.

तर सदर वळणावर रस्त्यालगतच संरक्षक भिंत घातल्याने अनेकदा अवजड वाहनांना वळण बसत नसल्याने वारंवार या ठिकाणी अपघात होत आहेत. रामनगर पोलिसांनी घटनास्थळी जाऊन छोटी वाहने सोडून काही प्रमाणात वाहतूक कोंडी सोडवली.