Election Candidature : राज्यात 40 मतदारसंघातील निवडणुकीसाठी आतापर्यंत म्हणजे सोमवारपर्यंत 21 उमेदवारी अर्ज दाखल झाले आहेत. अर्ज सादर करण्याची शेवटची तारीख 28 जानेवारी आहे. दाखल अर्जामध्ये भाजपचे 10, काँग्रेस 2, मगो 4 तर 5 अपक्षांचा समावेश आहे. 26 जानेवारी रोजी सुट्टी असल्याने पुढील तीन दिवसांत अर्ज दाखल करण्यासाठी निर्वाचन अधिकारी कार्यालयात गर्दी होण्याची शक्यता आहे.

दरम्यान याच पार्श्वभूमीवर गोवा तृणमूल (TMC) काँग्रेसचे मडगाव (Margao) येथील उमेदवार महेश आमोणकर यांनी आगामी निवडणुकीसाठी (Election) अर्ज दाखल केला आहे. मडगावकर यावेळी विश्वासार्ह पर्यायाला मतदान करतील असा विश्वास व्यक्त करत त्यांनी आपला अर्ज दाखल केला आहे.