शासकिय खांडोळा महाविद्यालयात (Khandola College) एक वर्षाचा पदव्युत्तर पदविका भाषांतर अभ्यासक्रम सुरू होणार आहे. गोवा विद्यापिठाने (Goa University) शैक्षणिक वर्ष 2022-23 पासून भाषांतर अभ्यासक्रम चालविण्यास परवानगी दिली आहे. राज्यातील अशा पद्धतीचा हा पहिलाच अभ्यासक्रम आहे.

एका वर्षाच्या भाषांतर अभ्यासक्रम (Translation Diploma) प्रवेशासाठी हिंदी, कोंकणी किंवा मराठी भाषेत पदवी किंवी पदव्युत्तर पदवी आवश्यक आहे. अभ्यासक्रमासाठी वीस विद्यार्थ्यांची प्रवेश मर्यादा असून, विद्यार्थ्यांना साहित्य भाषांतर यासह विविध व्यावसायिक भाषांतराचे शिक्षण दिले जाईल. बहूभाषिक (Multilingual) अनुभव प्राप्त करण्याच्या दृष्टिने विद्यार्थ्यांसाठी हा अभ्यासक्रम फायदेशीर ठरणार आहे.

अनुभवी शिक्षकांकडून विविध भाषांचे शिक्षण आणि भाषांतराचे धडे दिले जातील. प्रत्यक्ष सराव, पाहूण्यांचे मार्गदर्शन आणि विविध सराव सत्रांचे आयोजन याद्वारे विद्यार्थ्यांना प्रशिक्षित केले जाणार आहे. भाषांतराचा हा अभ्यासक्रम पूर्णवेळ असून, 18 जुलैपासून यासाठी प्रवेश प्रक्रिया (Admission Procedure) सुरू झाली आहे.अभ्यासक्रमासाठी इच्छुकांना ऑनलाईन पद्धतीने अर्ज करता येतील.