Vasco Fatal Accident

वास्को: वर्षाच्या पहिल्याच दिवशी (०१ जानेवारी २०२५) गोव्यात अपघाताची घटना उघडकीस आली आहे. वास्कोत पेट्रोल पंपावर झालेल्या दुचाकी दुर्घटनेत दोन वर्षीय मुलीचा मृत्यू झाला आहे. तामिळनाडूतील कुटुंब गोव्यात पर्यटनासाठी आले असता त्यांच्यावर हा बाका प्रसंग ओढवल्याने शोककळा पसरली आहे.

मिळालेल्या माहितीनुसार, तामिळनाडूतील एक कुटुंब गोव्यात पर्यटनासाठी आले होते. फिरण्यासाठी त्यांनी रेंट अ बाईक बुक केली होती. दरम्यान, बाईकमध्ये पेट्रोल टाकण्यासाठी ते पेट्रोल पंपावर गेले असता दुचाकी कलंडली आणि यात दोन वर्षीय मुलीचा मृत्यू झाला. दरम्यान, नव्या वर्षाचे स्वागत करण्यासाठी गोव्यात आलेल्या कुटुंबावर दु:खाचा डोंगर कोसळला आहे.

२०२४ मध्ये २७६ जणांचा अपघाती मृत्‍यू

२०२४ या वर्षात गोव्यात २७६ जणांचा अपघाती मृत्‍यू झाला आहे. गेल्या वर्षी १ जानेवारी ते २९ डिसेंबर या काळात राज्‍यात दरदिवशी सात ते आठ अपघात व दर आठवड्याला पाच ते सहा बळी गेले आहेत. पोलिसांनी प्रसिद्ध केलेल्या आकडेवारीनुसार गोव्यात २०२४ मध्ये २६५२ अपघातांची नोंद झाली.