काणकोण: मडगाव-मंगळुरूला जोडणारा दुवा असलेला काळी नदीवरील जुना पूल मंगळवारी कोसळल्यानंतर नवीन पुलावरील वाहतूक बंद करण्यात आली होती. बुधवारी उशिरा या नव्या पुलावरून दुचाकी व चारचाकी वाहने सोडण्यासाठी कारवार जिल्ह्याच्या उपआयुक्त प्रिया लक्ष्मी के. यांनी परवानगी दिली. मात्र, आज काही प्रवासी बसगाड्या पुलावरून सोडण्यात आल्या.
राष्ट्रीय महामार्ग प्राधिकरणाच्या अभियंत्यांनी तातडीने काल नव्या पुलाच्या मजबुतीसंदर्भात पाहणी केली. ४१ वर्षे जुने पूल कोसळण्याची कारणे शोधण्यात येत आहेत. मात्र, मडगाव-कारवार या मार्गावरील प्रवासी बसगाड्या सदाशिवगड येथे थांबवून परतीच्या प्रवासासाठी येतात.
उत्तर कन्नडा व कारवार येथील प्रवाशांना गोव्याचा प्रवास करण्यासाठी कोडीबाग येथून नव्या काळी पुलाच्या पदपथावरून चालत सदाशिवगड येथे यावे लागत आहे. त्यानंतर सदाशिवगड येथे कदंब बसने गोव्याचा प्रवास करावा लागत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.