गोवा आणि उत्तराखंड ह्या दोन्ही राज्यातील पर्यटन उद्योगांना लाभ देण्याकरिता, दोन राज्यांमधील सहयोगाचा शुभारंभ करण्यासाठी पर्यटनमंत्री रोहन खंवटे हे गोवा आणि उत्तराखंड मधील पहिल्या उड्डाणाने हवाई प्रवास करणार आहेत.

हा थेट हवाई मार्ग गोवा आणि उत्तराखंड मध्ये पर्यटकांना प्रवास करण्यासाठी सुकर आणि सोयीस्कर मार्ग पुरवण्यासाठी आणि दोन्ही राज्यांमधील अनोखी सांस्कृतिक आणि नैसर्गिक आकर्षणे शोधण्यासाठी सज्ज आहे. रोहन खंवटे म्हणाले, ‘गोवा आणि उत्तराखंड मध्ये थेट हवाई मार्गाची घोषणा करताना मला अतीव आनंद होत आहे, ज्यामुळे गोव्यात आध्यात्मिक पर्यटनाला चालना देण्यासाठी मदत होईल.

गोव्यामध्ये पुरातत्वशास्त्रीय दृष्ट्या महत्वाची अनेक मंदिरे आहेत, जिथे आता ह्या थेट उड्डाणांद्वारे प्रवास करून सहज जाता येईल. त्याप्रमाणेच , गोव्यातील पर्यटकांना उत्तराखंड राज्याच्या विलक्षण नैसर्गिक सौंदर्याचा आस्वाद घेता येईल. ज्यामुळे गोवा आणि उत्तराखंड या दोन्ही राज्यांना पर्यटनदृष्ट्या फायदा होईल.

‘मनोहर’ जोडणार ‘जॉली ग्रॅंट एअरपोर्ट’शी

• ‘इंडिया टूरिझम स्टॅटिस्टिक्स 2022’ द्वारा प्रकाशित करण्यात आलेल्या आकडेवारीच्या अनुसार, 2021 साली गोव्याला भेट देणाऱ्या स्थानिक पर्यटकांची संख्या 33 लाख, तर उत्तराखंडला भेट देणाऱ्या पर्यटकांची संख्या तब्बल 1.9 कोटी होती. गोवा आणि उत्तराखंड दरम्यान थेट उड्डाणे सुरू झाल्यानंतर, दोन्ही राज्यांना भेट देणाऱ्या पर्यटकांच्या संख्येमध्ये लक्षणीय वाढ होणे अभिप्रेत आहे.

• गोव्यातील ‘मनोहर इंटरनॅशनल एअरपोर्ट (मोपा) आणि उत्तराखंडमधील ‘ जॉली ग्रँट एअरपोर्ट (देहरादून) दरम्यानच्या नवीन थेट उड्डाणसेवेचे परिचालन ‘इंडिगो एअरलाइन्स’ द्वारा केले जाईल, जी प्रवाशांना आरामदायक आणि विनासायास प्रवासाचा अनुभव देईल.