मडगाव: गोव्यात सुट्टी साजरी करण्यासाठी आलेल्या बंगळुरू येथील आदित्य शेट्टी (28) या युवकाला आज पाडी धबधब्यावर बुडून मृत्यू आला. हा युवक मूळ उडुपी येथील असून तो बंगळुरू येथील एका आयटी कंपनीत काम करत होता. आज आदित्य आपल्या मित्राबरोबर या धबधब्यावर आंघोळ करताना ही दुर्घटना घडली.

(tourisam from Bangalore drowned at padi waterfall)

युवकाचा मृतदेह जेव्हा पाण्यातून बाहेर काढला यावेळी त्याच्या पायाला एक साप वेटोळे घालून असलेला दिसून आला. यावेळी सापाने युवकाला दंशही केला होता असे आढळले. हे दोन्ही युवक दोन दिवसांपूर्वी गोव्यात आले होते आणि काणकोण येथील एका हॉटेलात उतरले होते अशी माहिती पोलिसांनी दिली आहे.