मोरजी: तोरसे भागात गेले काही दिवस ठाण मांडून असलेल्या ओमकार हत्तीमुळे येथील शेतकरी हैराण झाले आहेत. या हत्तीचा बंदोबस्त करण्यासाठी सरकार कोणतीही पावले उचलत नसल्याने लोक नाराज आहेत.

रविवारी शेट्येवाडा, तोरसे येथील गोविंद शेट्ये, कृष्णा शेट्ये, सुभाष शेट्ये, मंगेश शेट्ये या शेतकऱ्यांच्या केळी, कवाथे आदी पिकावर ताव मारला. सुपाऱ्यांच्या झाडांचीही मोठ्या प्रमाणात नुकसान केले.

तसेच गोविंद शेट्ये यांच्या गोठ्यातील साहित्याची नासधूस केली. वन खात्याने या हत्तीचा लवकरात लवकर बंदोबस्त करावा, अशी मागणी शेट्ये कुटुंबीयांनी केली आहे.

या हत्तीवर नियंत्रण मिळवण्यासाठी सरकारने वन विभागाला कोणतीही यंत्रणा उपलब्ध करून दिलेली नाही. वनरक्षक केवळ या हत्तीवर नजर ठेवून आहेत. शेतकऱ्यांना मात्र हतबलपणे आपले पीक वाया जाताना पहावे लागते.