Parra Road: गोव्यात येणारे काही पर्यटक मौजमजा करण्याच्या नावाखाली विचित्र करामती करताना दिसून येतात. समुद्र किनाऱ्यावर वाहने घेऊन जाणे असो की सार्वजनिक मार्गावर धोकादायक स्टंट करणे, अशा घटना वारंवार समोर आल्या आहेत. दरम्यान, प्रसिद्ध पर्रा रोड येथून एक विचित्र घटना समोर आली आहे.

एक युवती टॉपलेस होऊन कार चालवतानाचा एक व्हिडिओ समोर आला आहे. यामुळे मार्गावरील इतर पर्यटक आणि स्थानिक चक्रावून गेले आहे.

पर्रा रोड जो डिअर जिंदगी रोड म्हणून देखील प्रसिद्ध आहे. येथे नेहमीच पर्यटकांची मोठी वर्दळ पाहायला मिळते. दरम्यान, येथून काही विचित्र घटना देखील समोर येत असतात. अशाच विचित्र घटनेचा व्हिडिओ समोर आला असून, यात एक युवती टॉपलेस होऊन पर्रा रोडवर कार चालवताना दिसत आहे. वाहनात असलेल्या दुसऱ्या सहकाऱ्याने हा व्हिडिओ शूट केला आहे.

हा विचित्र प्रकार पाहून मार्गावरील इतर प्रवासी, पर्यटक आणि स्थानिक आश्चर्यचकीत झाले. व्हिडिओ समाज माध्यमांवर व्हायरल झाल्यानंतर या अश्लील प्रकाराबद्दल संतप्त प्रतिक्रिया व्यक्त केल्या जात आहेत.

साल 2020 आणि पूनम पांडेचे गोव्यातील अश्लील फोटोशूट

प्रसिद्ध मॉडेल पूनम पांडे हिने 2020 साली काणकोण येथील चापोली धरणावर अश्लील फोटोशूट केले होते. पूनम पांडेचे हे फोटोशूट चांगलेच वादात सापडले होते. यावरून काणकोण पोलिसांवर देखील रोष व्यक्त करण्यात आला होता. त्यानंतर कोणकोण पोलिसांनी तिच्याविरोधात तक्रार दाखल केली होती.

त्यानंतर आता पर्रा रोड परिसरातून आलेल्या घटनेवर लोक आक्रमक प्रतिक्रिया देत आहेत.