म्हापसा: थिवी येथील नरेंद्र सावंत (६१) यांचा नदीत बुडून मृत्यू झाला. ते मासेमारीसाठी गेले होते, काल रविवार दुपारपासून बेपत्ता असलेल्या सावंत यांचा मृतदेह सोमवारी सकाळी सहाच्या सुमारास आढळून आला.

नदीकाठी मासेमारीची गळ सापडला. त्यामुळे ते नदीत उतरले असावेत आणि त्यानंतर ते पाण्यात बुडाले असावेत, असा संशय व्यक्त करण्यात येत आहे. अग्निशामक दलाने मृतदेह बाहेर काढून पुढील कारवाईसाठी पोलिसांच्या तान्यात दिला. कायदेशीर प्रक्रिया पूर्ण झाल्यानंतर मृतदेह कुटुंबीयांच्या स्वाधीन करण्यात आला. अधिक तपास सुरू आहे.