गोव्यातील वाढत्या गुन्हेगारी कृत्यांना आला घालण्यासाठी गोवा पोलीस कार्यतत्पर असतात. चोरी, खून, अपहरण, लूटमार अशा प्रकारच्या कित्येक घटनांचा गोवा पोलिसांनी जलदगतीने छडा लावला आहे.

नुकतेच गोव्यातील वेर्णा पोलीस स्टेशनला सर्वोत्कृष्ट पोलीस स्टेशन घोषित करण्यात आल्याची माहिती प्राप्त होतेय. केंद्रीय गृहमंत्रालयाने वेर्णा पोलीस स्टेशनला 2022 वर्षासाठी गोव्यातील सर्वोत्कृष्ट पोलीस स्टेशन म्हणून घोषित केले आहे.

वेर्णा पीआय डिएगो ग्रेसियास यांना केंद्रीय गृहमंत्री अमित शहा यांच्या स्वाक्षरीचे प्रमाणपत्र लवकरच गोव्याच्या DGP च्या हस्ते प्रदान करण्यात येणार असल्याचेही समजतेय. वेर्णा पोलिसांच्या कामगिरीचा गौरव केंद्र सरकारकडून होत असल्याने पोलीस दलात आनंदचे वातावरण आहे.