Goa Electricity: थिवी ते साळगाव वीज उपकेंद्रापर्यंत जाणाऱ्या प्रस्तावित २२० केव्ही डबल सर्किट ट्रान्समिशन वीजवाहिन्यांच्या मुद्यावर वीज खात्यासोबत संयुक्त पाहणी करण्याचा ठराव मयडे ग्रामसभेत घेण्यात आला. शेतकऱ्यांना या वाहिन्यांचा त्रास होऊ शकतो, असे कारण यावेळी देण्यात आले.

सरपंच सागर नाईक यांच्या अध्यक्षतेखाली पंचायतीची ग्रामसभा झाली. यावेळी पंचायत सदस्य व ग्रामस्थ मोठ्या संख्येने उपस्थित होते. गावात पाणी साठवण सुविधा उपलब्ध करून देण्याचा ठरावही यावेळी मंजूर करण्यात आला. याशिवाय जुनी झाडे कापणे, पावसाचे पाणी साठवणे, गावातील रस्त्यावरून होणारी अवजड ट्रकची वाहतूक, यासारख्या विविध विषयांवर चर्चा झाली.

गेल्या ग्रामसभेत ग्रामस्थांनी थिवी ते साळगावदरम्यान जाणाऱ्या नियोजित २२० डबल सर्किट ट्रन्समिशन वीजवाहिन्यांना विरोध करणारा ठराव मंजूर केला होता. कारण यामुळे ६७ शेजकरी बाधित होणार आहेत. या ठरावाची प्रत वीज खात्याला पंचायतीने पाठवली होती.