Goa Covid-19 Guidelines: सध्या कोरोना विषाणूचा गोव्यात खूप जास्त प्रमाणात फैलाव सुरू आहे. मागील काही दिवसात कोरोना (Corona) रुग्णसंख्येने कहर केला आहे. वाढत्या रुग्णसंख्येमुळे राज्यात नागरिकांमध्ये तणावाचे वातावरण निर्माण झाले आहे. राज्यात अनेक स्तरावरून नाईट कर्फ्यूची (Night Curfew) मागणी करण्यात आली होती. पण मुख्यमंत्र्यानी गोव्यात नाईट कर्फ्यू होणार नसल्याचे सांगितले आहे.

याच पार्श्वभूमीवर आज मुख्यमंत्री प्रमोद सावंत (CM Pramod Sawant) यांनी नागरिकांसाठी नवीन नियमावली जारी केली आहे. गोव्यात नाईट कर्फ्यू लागू केला नसला तरी नागरिकांसाठी काही निर्बंध लागू केले आहेत, आणि त्यांचे पालन करणे गोव्यातील प्रत्येकासाठी बंधनकारक असणार असल्याचे मुख्यमंत्र्यानी सांगितले. सरकारतर्फे दिलेल्या नियमांचे उल्लंघन केल्यास राज्य प्रशासन, गोवा पोलिस (Goa Police) आणि आरोग्य प्रशासनातर्फे कारवाई करण्यात येणार आहे.

असे असतील नियम..

• मास्क न लावता सार्वजनिक ठिकाणी जाण्यास मनाई

• नाईट कर्फ्यू नसला तरी सार्वजनिक ठिकाणी (पार्टी, सभा, कार्यक्रम, मेळावे) 100 लोकांच्याच उपस्थितीला परवानगी

• बंदिस्त ठिकाणी एकूण जागेच्या 50% उपस्थितीला परवानगी

• समुद्रकिनांऱ्यावर गर्दी करण्यास मनाई

• सर्व ठिकाणी गोवा पोलिसांची निगराणी

• नियमांचे उल्लंघन केल्यास गोवा पोलिसांकडून कारवाई