Goa Corona Update: सरकारने सर्वतोपरी प्रयत्न करूनही राज्यातील कोरोना रुग्णसंख्येत घट होताना दिसत नाही. मागील काही दिवसात तर कोरोनाने (Corona) कहर केला आहे. रुग्णसंख्येने हजारी पार केली आहे. यातच ओमिक्रॉन (Omicron) बाधितांच्या संख्येत देखील वाढ होताना दिसत आहे. गोव्यात वाढत्या रुग्णसंख्येच्या पार्श्वभूमीवर तज्ज्ञांनी गोव्यात नाईट कर्फ्यू करण्याची मागणी केली होती, पण तूर्तास सरकारने यावर कोणताही निर्णय दिलेला नाही. पण सरकारतर्फे काही नवीन निर्बंध लावण्यात आले आहेत. (Goa government issues new rules regarding corona)
आज मुख्यमंत्री प्रमोद सावंत (CM Pramod Sawant) यांनी कोविड प्रतिबंधात्मक उपाययोजनांसांदर्भात पत्रकार परिषदेचे आयोजन केले होते. त्यात त्यांनी कोरोनासंबंधी सरकारचे काही नवे नियम जाहीर केले आहेत. मुख्यमंत्र्यांनी सांगितल्याप्रमाणे, गोव्यात सार्वजनिक ठिकाणी सभा, कार्यक्रम किंवा मेळाव्यासाठी 100 लोकच उपस्थित राहू शकतात. त्याचबरोबर कार्यक्रम घरगुती किंवा हॉलवर आयोजित केल्यास जागेच्या एकूण क्षमतेच्या फक्त 50 टक्केच उपस्थितीला परवानगी आहे. ह्या निर्बंधांचे पालन करणे सर्वांसाठी अनिवार्य असणार आहे. या नियमांचे उल्लंघन झाल्यास गोवा पोलिसाना कारवाई करण्याचे आदेश देण्यात आले आहेत.
सरकारची नवीन नियमावली
सभा, मेळावे, प्रचार किंवा कोणत्याही कार्यक्रमासाठी 100 लोकांच्या उपस्थितीला परवानगी
100च्या वर लोक उपस्थित असल्यास गोवा पोलिसांकडून कारवाई
कोणत्याही पक्षाच्या प्रचार सभेला 100 लोकांचीच उपस्थिती
अंतर्गत कार्यक्रमांसाठी जागेच्या एकूण क्षमतेच्या 50% उपस्थितीला परवानगी
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
