Theft In Goa: तिवाईवाडा, कळंगुट येथील ‘फिश अ‍ॅण्ड करी’ या बार-रेस्टॉरंटच्या स्टाफ रुममधून मोबाईल चोरल्याप्रकरणी कळंगुट पोलिसांनी दोन संशयितांना अटक केली. रिझवान मुल्ला (24, मौसेरुल्ल मुल्ला (19, दोघेही रा.कळंगुट व मूळ पश्चिम बंगाल) अशी अटक केलेल्या संशयितांची नावे आहेत.

पोलिसांनी संशयित चोरांकडून चोरीचे 8 मोबाईल संच जप्त केले. हा मुद्देमाल 1.5 लाख रुपये किंमतीचा आहे. याप्रकरणात पोलिस हवालदार सतीश सावंत हे पुढील तपास करताहेत.‘फिश अ‍ॅण्ड करी’ या रेस्टारंटमधील स्टाफ रुमधून मोबाईल चोरी झाल्याची तक्रार फिर्यादी संजय कंदुरकर यांनी दिली.

सदर चोरीचा प्रकार १२ सप्टेंबर रोजी घडला होता. तक्रारीनुसार, स्टाफ रुमधून चार मोबाईल चोरीला गेले होते. हा मुद्देमाल ७९ हजार रुपयांचा होता. त्यानुसार, पोलिसांनी तपास व चौकशी करुन वरील दोन संशयितांना अटक करुन त्यांच्याकडून ८ चोरीचे मोबाईल हस्तगत केले.