वास्को: मुंडवेल वाडे वास्को येथे शुक्रवारी सकाळी दुचाकीला आग लागल्याची घटना घडली. यात दुचाकी जुळून खाक झाली. मिळालेल्या माहितीनुसार मुडवेल वाडे वास्को येथे पेट्रोल पंप शेजारी पार्क करून ठेवलेल्या दुचाकीला अचानक आग लागून संपूर्ण दुचाकी जळून खाक झाली. जवळच असलेल्या लोकांनी प्रसंग प्रसंगावधान राखून आग आटोक्यात आणली. तसेच या आगीत आणखी दुचाकी खाक होण्यापासून वाचवल्या. (The thrill of burning bikes at Vasco )

जळलेली दुचाकीचा चालक आपली दुचाकी रस्त्याच्या कडेला पार्क करून एटीएममध्ये गेला होता. बाहेर आला व त्याला लोकांची गर्दी दिसली. त्यांनी बाहेर येऊन पाहिले असता त्याच्या दुचाकीला आग लागल्याचे नजरेस पडले. ही आग शॉर्टसर्किटमुळे लागल्याचे सांगण्यात आले.

दरम्यान हल्लीच जवळच असलेले अग्निशमन दल दाबोळी येथे हलवण्यात आल्याने, तेथे त्यांना फोनची व्यवस्था नसल्याने त्यांचा नंबर नॉट रिचेबल येत आहे. सदर अग्निशमन दल आज त्याच ठिकाणी असते तर सदर दुचाकीचे एवढे नुकसान झाले नसते. माजी नगराध्यक्ष नंदादीप राऊत याविषयी बोलताना अग्निशमन दल दाबोळी येथे हलवण्यात आल्याने वाहनात आगीच्या घटना घडल्यास मोठा अनर्थ होणार आहे.

तसेच शहरात पेट्रोल पंप आहे. त्यासाठी अग्निशमन दलाने फोनची व्यवस्था करावी. तसेच एक बंब वास्कोत ठेवावा जेणेकरून आपत्यकालीन वेळी तत्काळ सेवा देऊ शकणार अशी मागणी त्यांनी यावेळी केली.