problem of traffic jams in ponda persists Dainik Gomantak
गोवा

फोंड्यातील वाहतूक कोंडीची समस्या कायम

पादचाऱ्यांना त्रास: जागा निश्चित करूनही बेशिस्त पार्किंग

दैनिक गोमन्तक

फोंडा: फोंड्यात सध्या बेलगाम वाहतूक झाली असून हा भूलभुलैय्या सुटणे कठीण झाल्यासारखे वाटायला लागले आहे. खासकरून दादा वैद्य चौकात तसेच आल्मेदा स्कूलनजीक वाहतूक कोंडी होणे ही नित्याचीच बाब झाली आहे. वाहतूक पोलिस ठिकठिकाणी तैनात केले गेले असले, तरी वाहतुकीची समस्या सोडविणे त्यांच्याही आवाक्याबाहेरचे ठरत आहे.

(The problem of traffic jams in ponda persists)

दादा वैद्य चौकाजवळ फोंड्याचा जुना बसस्थानक असल्यामुळे तेथे नेहमीच वाहतूक कोंडी होत असते. बसगाड्या आत - बाहेर करत असल्यामुळे तेथून जाणाऱ्या वाहनांना अनेक समस्यांचा सामना करावा लागतो.

जुना बसस्थानक ते फोंडा - तिस्क हे अंतर साधारण अर्धा किलोमीटरचे आहे, पण या अर्धा किलोमीटरच्या अंतरात या बसगाड्या अनेक थांबे घेत असतात. त्यामुळे मागून येणाऱ्या वाहनचालकांची तारांबळ उडते. तसेच रस्त्यावरील वाहनांच्या गर्दीचा पादचाऱ्यांना त्रास होत आहे. सध्या वाहतूक पोलिसांनी पार्किंगसाठी जागा निश्चित केली असली, तरी ती जागा अपुरी पडू लागली आहे.

एक किलोमीटरसाठी चक्क अर्धा तास!

वाहतूक कोंडीमुळे विठोबा मंदिर ते दादा वैद्य चौक हा साधारण एक किलोमीटरचा रस्ता पार करताना वाहनचालकांना अर्धातास खर्च करावा लागत आहे. चारचाकी वाहनांना तर अक्षरशः ‘धीरे धीरे चल’ अशा लयीत वाहन चालवावे लागते. या समस्येवर त्वरित तोडगा काढून वाहतूक सुरळीत करण्याची मागणी वाहनचालक करीत आहेत.

मंत्र्यांनी समस्या सोडविण्याची मागणी

फोंड्याचे आमदार रवी नाईक हेच या समस्येवर तोडगा काढू शकतात. मागे 2002 साली त्यांनीच बगल रस्ते करून फोंड्याची तेव्हाची वाहतूक समस्या नियंत्रणात आणली होती. आता त्याची पुनरावृत्ती होण्याची गरज आहे. कृषीमंत्री रवी नाईक यावर कोणती रणनीती आखतात याकडे सर्वांचे डोळे लागून राहिले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs ENG 4th Test: भारताच्या जिद्दीपुढे इंग्लंडचे ‘सरेंडर’! गिल, जडेजा अन् सुंदरच्या शतकांच्या जोरावर चौथा कसोटी सामना ड्रॉ

'Ayushman Card'च्या नियमात मोठा बदल, 'या' आजारांवर खाजगी रुग्णालयात मिळणार नाही मोफत उपचार

Viral Video: '...अन् हात-पाय हलवत राहिला', नाचता-नाचता रोबोटचा ‘तो’ थरारक क्षण, सोशल मीडियावर व्हिडिओ व्हायरल!

IND vs ENG 4th Test: वर्ल्ड टेस्ट चॅम्पियनशिपमध्ये घडला इतिहास! इंग्लंडने पटकावले पहिले स्थान; केला 'हा' नवा पराक्रम

‘बाबा, माझ्या भावाला ओरडू नका!’: 5 वर्षांची चिमुकली 3 वर्षांच्या भावासाठी बाबांसमोर ढाल बनून उभी राहिली; हृदयस्पर्शी Video Viral

SCROLL FOR NEXT