वास्को: चिखली येथे एका प्रवासी बसला आग लागून बस आगीच्या भक्षस्थानी जळून खाक झाली. बसमधील प्रवाशांनी वेळीच बसमधून मिळेल तेथून बाहेर आल्याने मोठा अनर्थ टळला. सुदैवाने प्राणहानी टळली.

बसमधील प्रवासी भयभीत झाले व खिडकीतून तसेच दरवाजा असे मिळेल तेथून प्रवाशांनी बसमधून (Goa Bus) बाहेर येण्याचा प्रयत्न केला तर काही महिलांनी आरडाओरड करून बसचा दरवाजा उघडला व भराभर उतरल्या. त्यामुळे मोठा अनर्थ टळला. संपूर्ण बस आगीच्या भक्ष्यस्थानी सापडली.सदर घटना आज रात्री पावणे आठच्या दरम्यान घडली. प्रवासी बसला आग लागल्याची वास्को अग्निशमन दलाला माहिती मिळताच अग्निशमन दलाच्या जवानांनी बंबसहीत घटनास्थळी धाव घेतली व बसला लागलेली आग आटोक्यात आणण्यासाठी प्रयत्न केला.तोपर्यंत बस जळून खाक झाली होती. आगीवर नियंत्रण आणे पर्यंत बस मधील संपूर्ण आसन व्यवस्था व इतर सामान जळून खाक झाले होते.सदर आग शाॅर्टसर्कीटमुळे लागल्याचा कयास व्यक्त करण्यात आला.