CM Pramod Sawant शासकीय आणि खासगी कर्मचाऱ्यांसाठीची सरकारी गृहकर्ज योजनेसाठी पुढील अर्थसंकल्पात तरतूद केली जाईल. त्यानंतर ही योजना पूर्ववत सुरू होईल, अशी माहिती मुख्यमंत्री डॉ. प्रमोद सावंत यांनी आज दिली.

सरकारी कर्मचाऱ्यांसाठी असलेल्या ‘मुख्यमंत्री सरल पगार योजने’चा शुभारंभ आज त्यांच्या हस्ते करण्यात आला. यावेळी ते बोलत होते.

पैसे काढण्यासाठी खास ॲप

या रिफायन ॲपची नोंदणी प्रक्रिया काही सेकंदात पूर्ण होते. ॲपचे व्यवहार शुल्क नाममात्र आहे. कर्मचारी 10 तारखेपासून चालू महिन्याच्या अखेरीस ॲपवरून पैसे काढू शकतात.

प्रत्येक महिन्याच्या 10 तारखेपर्यंत व्यवहाराचा अहवाल संबंधित डीडीओला प्राप्त होईल. यामुळे ज्या कर्मचाऱ्यांना पैशांची गरज भासते त्यांच्यावरील आर्थिक भार दूर होईल.

आर्थिक अडचण होणार दूर

कधीकधी काही कर्मचाऱ्यांवर अधिकचा आर्थिक भार पडतो आणि बँकांकडून कर्ज घेतात. त्यांच्या गरजा भागविण्यासाठी क्रेडिट कार्ड वापरतात.

परंतु रिफायन ॲपद्वारे कोणतेही व्याज न देता आगाऊ पगार काढता येईल. मानव संसाधन सहकारी कर्मचाऱ्यांना याचा खूप फायदा झाला.

- डॉ. प्रमोद सावंत, मुख्यमंत्री