आंबेली-वेळ्ळी येथे मुलीने बापाची हत्या (Murder) केल्याची घटना घडली आहे. मुलीची मानसिक स्थिती ठीक नसल्याची माहिती परिसरातील नागरिकांनी आणि संबंधीत पालकांनी दिली आहे. दक्षिण गोवा पोलिस अधीक्षकांसह कुंकळ्ळी पोलिस घटनेची माहिती मिळताच घटनास्थळी दाखल झाले आहेत. पोलिस पुढील तपास करत आहेत. या घटनेमुळे परिसरात खळबळ उडाली आहे.

आरोपी मुलीची मानसिक स्थिती ठीक नसल्यामुळे तीने रागाच्या भरात हे पाऊल उचलले असल्याचे बोलले जात आहे. मुलीचे मेडीकल चेकअप करून पोलिस (police) पुढील कारवाई करणार आहेत. पोलिसांनी दिलेली माहिती अशी, मारियानी मनोरुग्ण होती. तिच्यावर उपचार सुरू होते. बऱ्याच दिवसांपासून तिने औषध घेतले नव्हते. औषधे घेण्यासाठी दबाव टाकणाऱ्या वृध्द आईला तिने शनिवारी मारहाण केली होती. त्यानंतर तिची आई पावलीना जवळच असलेल्या आपल्या बहिणीच्या घरी निघून गेली होती. यादरम्यान तीने हे पाऊल उचलले असल्याचे बोलले जात आहे.

दरम्यान, गोवा वैद्यकीय महाविद्यालयाच्या रुग्णालयात अनेक दिवसांपासून भरती असलेल्या 49 वर्षीय रुग्णाने पहिल्या मजल्यावरून उडी मारून आत्महत्येचा प्रयत्न केला. मात्र, पहिला मजला आणि उंची कमी असल्याने हा रुग्ण (Patient) किरकोळ जखमी झाला. तो आजाराला कंटाळला असल्याची माहिती मिळाली. या रुग्णाने शनिवारी सकाळी वाॅर्डबॉयची नजर चुकवून रुग्णालयाची (Hospital) गॅलरी गाठली आणि तिथून सरळ खाली उडी मारली. त्याच्यावर उपचार सुरू असून त्याची प्रकृती सुधारत असल्याची माहिती रुग्णालयाचे अधिष्ठाता डॉ. शिवानंद बांदेकर यांनी पत्रकारांना दिली.