सनबर्न फेस्टिव्हलचे गोव्यात होणारे आयोजन फक्त अमली पदार्थांचे सेवन करण्यासाठीच असते त्यामुळे हा संगीत महोत्सव आयोजित करण्यासाठीं कुठलीही परवानगी या आयोजकांना देण्यात येऊ नये अशी मागणी करणारे निवेदन आज काँग्रेस नेते जना भंडारी यांनी राज्याच्या मुख्य सचिवांना दिले आहे.

भंडारी हे प्रदेश काँग्रेस समितीचे माजी सरचिटणीस असून त्यांनी आज दक्षिण गोव्याचे जिल्हाधिकारी आश्विन चंद्रू आणि उत्तर गोव्याच्या जिल्हाधिकारी स्नेहा गीते यांची भेट घेऊन त्यांना निवेदन दिले.

दरवर्षी वागतोर येथे आयोजित करण्यात येतं असलेला हा संगीत महोत्सव यंदा दक्षिण गोव्यात आयोजीत करण्यात येणार असल्याची घोषणा आयोजकांनी केली होती. मात्र त्यामुळे दक्षिण गोव्यातही ड्रग्स संस्कृती फोफवणार असा दावा करुन या महोत्सवावर बंदी घालण्यात यावी अशी मागणी होत आहे.