कळंगुट पोलिसांनी मूळचा ओडिशातील असणाऱ्या व्यक्तीकडून तब्बल 2 लाखांचा 2 किलो 115 ग्रम गांजा जप्त केला. बोडकेवड, कळंगुट येथे पोलिसांनी छापा टाकून ड्रग्ज प्रकरणात आरोपी बियंती गंथीरत्न माली याला ताब्यात घेतले. गोव्यात तो मधलेभाट शिवोली येथे राहत होता.

दरम्यान, शुक्रवारी ( 2 ऑगस्ट) रात्री पोलिसांनी ही कारवाई केली. बोडकेवड येथे ड्रग्जचा मोठा व्यवहार होणार असल्याची माहिती पोलिसांना मिळाली होती. त्याआधारे पोलिसांनी ही कारवाई केली. बोडकेवड येथे एक तरुण संशयास्पदरित्या फिरत असल्याची दृष्टीस पडल्याने पोलिसांनी तात्काळ त्याला पकडले. झडती घेतल्यास त्याच्याकडून तब्बल 2 लाखांचा 2 किलो 115 ग्रम गांजा मिळाला. त्यानंतर पोलिसांनी संशयित तरुणाला पोलिस स्थानकात आणून त्याच्याविरुद्ध एनडीपीएस कायदा 1985 अन्वये गुन्हा नोंदवून अटक केली.

पोलीस निरीक्षक परेश नाईक यांच्या मार्गदर्शनाखाली उपनिरीक्षक पराग पारेख, हवालदार विद्यानंद आमोणकर, कॉन्स्टेबल अमीर गरड, भगवान पालयेकर, गणपत तिळोजी, राज परब व प्रणय गावस या पथकाने ही कारवाई केली. पुढील तपास करण्यात येत असल्याचे यावेळी पोलिसांकडून सांगण्यात आले.