Shri Navdurga Temple, Madkai

मडकई: श्रीनवदुर्गा संस्थान मडकई येथे गेल्या काही दिवसांपासून महाजन आणि गावकऱ्यांमध्ये मूर्ती हलवण्यावरून वाद सुरु आहेत. न्यायालयाचा आदेश येऊन देखील अद्याप हा वाद मिटलेला नाही. सोमवारी (दि. ९ डिसेंबर) रोजी मडकई नवदुर्गेच्या मंदिरात पुन्हा तणावाची परिस्थिती निर्माण झाली. ग्रामस्थ आणि मंदिरांच्या भटजींमध्ये संघर्ष झाला आणि ह्या प्रकारात देवस्थानच्या भटजींना मारहाण‌ करण्यात आली.

श्रीनवदुर्गा संस्थान मडकई येथे गेल्या काही दिवसांपासून महाजन आणि गावकऱ्यांमध्ये मूर्ती हलवण्यावरून वाद सुरु आहे. नवदुर्गा मंदिर हे सार्वजनिक मंदिर म्हणून घोषित करण्यात यावे व महाजनांना मूर्ती बदलण्यापासून कायमस्वरुपी मनाई करावी असा दावा करण्यात आला होता, मात्र फिर्यादीतील आरोप हे कारवाईचे भ्रामक कारण निर्माण करण्याचा प्रयत्न असल्याची याचिका महाजनांनी केली, मडकईच्या महाजनांनी दाखल केलेली याचिका मुंबई उच्च न्यायालयाच्या गोवा खंडपीठाने उचलून धरली व जिल्हा न्यायालयाने दिलेला आदेश रद्दबातल ठरवला.

श्री नवदुर्गा मंदिर प्रतिष्ठान, मडकई यांनी त्यांची बाजू मांडताना सांगितले की मंदिरात या मूर्तींची अनेक वर्षापासून पूजा केली जात आहे. ते मंदिराच्या संदर्भात कोणत्याही अधिकाराचा दावा करत नाहीत.

तथापि त्यांचा एकमेव दावा महाजन या मूर्ती बदलण्याचा प्रयत्न करत आहेत यावर आहे. मूर्ती बदलाच्या निर्णयाला भाविकांनी विरोध केला होता, जो त्यांच्या मते अन्यायकारक आहे.