राज्यात आठवड्याभरापासून दुपारनंतर मोठ्या प्रमाणात उष्मा जाणवत आहे. राज्यातील कमाल तापमानाचा पारा ३३ अंश सेल्सिअस पेक्षा अधिक आहे. असह्य उष्म्यापासून बचावासाठी नागरिक शीतपेयांचे सेवन करत आहेत. त्यामुळे शीतपेयांची मागणी वाढली असून रसगृह, आईस्क्रिम पार्लरवर गर्दी दिसत आहे.
सायंकाळनंतर प्रामुख्याने घाटालगतच्या भागात थंडी पडत पडत असल्याने तेथील नागरिकांना रात्री उष्म्यापासून काही प्रमाणात दिलासा मिळत आहे. पुढील चार-पाच दिवस राज्यातील कमाल व किमान तापमानात मोठे बदल घडणार नाहीत.
राज्यातील हवामान कोरडे राहील तसेच पहाटे राज्यातील काही भागात धुके व दव पडण्याची शक्यता गोवा वेधशाळेद्वारे वर्तविण्यात आली आहे. आज पणजी येथे कमाल ३३.६ अंश सेल्सिअस तर किमान २३.६ अंश सेल्सिअस तापमानाची नोंद करण्यात आली आहे.
येत्या दोन दिवसांत पारा वाढणार असून, गोमंतकीयांना उन्हाचा चटका बसण्याची शक्यता आहे. राज्याच्या आग्नेय भागातील बदललेल्या हवामानामुळे तापमानात वाढ होणार आहे. तापमानात दोन ते चार अंशांनी वाढ होईल, अशी शक्यता हवामान खात्याने वर्तवली आहे.
राज्यात १६ फेब्रुवारी रोजी कमाल तापमान ३५.७, तर किमान तापमान २२.६ अंश सेल्सिअस नोंदविले. हवामान खात्याच्या अंदाजानुसार, आग्नेय दिशेकडून उष्ण आणि कोरडी हवा तसेच उत्तर कर्नाटक ते विदर्भातील हवामान बदलामुळे कमाल तापमान ३४ ते ३६ डिग्री सेल्सियस असेल.
... तापमान स्थिर!
येत्या २ दिवसांत राज्यातील सामान्य तापमानात २ ते ४ अंश सेल्सिअसने वाढ होईल. त्यानंतरच्या दिवसांत कमाल तापमानात हळूहळू घसरण होईल. पाच दिवसांत किमान तापमानात फारसा बदल अपेक्षित नाही, असे हवामान खात्याने म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.